A picture is worth a thousand words.
大家都知，所以好多人都鍾意用表情圖示。
智能手機既表情圖示，稱為「繪文字」（Emoji）。但大家覺唔覺，而家iPhone、android內置果套emoji用到人好火滾？
最鍾意係呢兩個：一個西口，一個西面，成鬼日用得著。
其他果d，大部分係多而無當，十居其九冇用，你睇下呢d：
一、整五個唔同顏色既心出黎托咩？
二、好做唔做，駛唔駛又正又反又左又右呀？不如360度各整一個好冇？粗口手勢我想要呀，又唔見你有？
三、好鍾意呀，我日日都講女王、御林軍、阿叉架==’
四、想點呀？植物圖鑑呀？
五、咁少？出夠五十二隻嘛應該！
六、香港公屋咩？棟棟一個款！
七、Emoji係日本仔發明又點呀？而家全世界用丫嘛！係得你小日本有多兩支旗？強烈抗議！嚴重傷害德韓中美法西意俄英人民感情！
八、好多小日本痕跡呀！抗議！
Emoji其實係好野黎，但點解設計得咁戇居？
應該搞大佢，整個「Emoji Store」，畀人執字粒咁買自己鍾意既Emoji唔好咩？
汰弱留強，整埋top purchase排行榜。如果0.99可以買到十個好既Emoji，我會畀錢囉。
見到上面呢堆十世都用唔著既Emoji，堅係眼火爆！
蝦叔 